|
|
|
| الخميس 25 من ربيع الاول 1431هـ - 11 من مارس 2010 م | |
جواب حبيبي
يتلقاها
محمد عبد العزيز |
صديق المجلة مكاوي سعيد كتب اغنية رقيقة عن الغربة بعنوان "نور عينك" يقول فيها:
نور العيون
لو في الغربة طال ليلك
أكون.. بمشاعري أوطانك
أكون.. في الضلمة قنديلك
ولو سهرانة أغنيلك
مواويل تشبه أحلامك
ولما تنامي أرخيلك
رموشي تبقي حُراسك
وتاج الفرحة فوق راسك
وأكون تفسير لأحلامك
يطول الليل وأنا جنبك
ولسة النور في قنديلك
ولسة مشاعري تحكيلك.. تغنيلك
مواويل تشبه أحلامك
ياخدني غُنايا قَّدامك
أنا العاشق لأيامك
أنا العايش دفا عيونك
أنا المكتوب علي جبينك
أنا همسك.. ونور شمسك
أنا فرحك ودوا جرحك
ومن كتابات صديق المجلة الشاعر الطبيب د.ألفريد حبيشي اخترنا اغنية بعنوان "بأعشق قمر" يقول فيها:
عاشق القمر
بأعشق قمر
سهران وواخدع السهر
في ليلي محروم من عينيه
ويومي كله مشتاق إليه
عينيا مابتشوفش نوم
وشبعت لوم
مليون سؤال إزاي وليه
وقلوب حجر
بأعشق قمر سهران منور ألف ليل
وأنا ويلي ويل
أنا عايزه ليا لوحدي
عارف اني بأطلب مستحيل
النوم بقي بيني وبينه نار
مخدتي اشواك ونار
مش قادر ارجع للنهار
وانا برضه للايم بأقول وللعزول
بلاش عتاب
سيبوني اشبع من العذاب
مش هالتفت لسؤالكم ولا عندي جواب
وهاسد بيني وبينكم ألف باب
أنا والقمر احباب
في ليل مالوش نهاية
وكل يوم هتجمعنا حكاية
يحكيها كل البشر
طول ما القمر سهران معايا
|  |
|
|
|
