الرئيسية
أخبار
تحقيقات
اقتصاد
الأسرة والطفل
فنون
رياضة
دين
صحافة الكترونية
تكنولوجيا المعلومات
استطلاع

 

 
 
 

 

مش هدفع رشاوى.. وهنبطل معاكسات


 


كتبت : امل العزب

عشرات المبادرات الشبابية تتضمن توجهات ايجابية متعلقة بالسلوك العام وضرورة التكاتف من اجل اعادة بناء مجتمع ديمقراطى حر منظم , فقد اطلق شباب مصريون على اختلاف اعمارهم وميولهم  العديد من الحملات الايجابية وشوهدت صور تلك المباريات ملصقه على نواصى الشوارع ومحطات المترو  وواجهات المحلات ..

احدى هذه المبادرات تم توزيع بيان فى منطقه شبرا بعنوان من شباب بتحب مصر- حمله شباب شبرا وجاء فيه لو مكنش ليك دور فى الثورة ودورك هيبدأ من دلوقتى .. ابدأ بنفسك مايهمكش غيرك .. ايديكو فى ايدينا ننظف شوارعنا .. شارك معانا ومتقولش انا مالى ..

احنا هنستناك .. محتاجين ادوات نظافه ..بوبات وفرش ودهان ..اكياس قمامه .. لو مش هتقدر تتبرع بحاجه كفاية جهودك معانا لوقررت تشارك اهلا بيك .

وفى منطقه وسط البلد شوهد الشباب وهم يقومون بدهان الاسوار الحديدية وارصفة الشوارع من خلال تجميل الشوارع والتى شارك فيها شباب واطفال وبنات

الى ذلك اطلقت عدة جمعيات اهلية حملات لتنظيف الشوارع وارشادات لضبط السلوكيات الاجتماعية بين المواطنين كجمعية مؤسسة *حياة المحبة * ومقررها بمصر الجديدة اطلقت حملة بعنوان بنحبها وهنغير علشانها ودعت الى الامتناع عن السلوكيات السلبية فى المجتمع مثل مش هدفع رشاوى واكراميات فى المترو والقسم والمصالح الحكومية , مش هرمى حاجه فى الشارع مش هعاكس بنات ولا اغلس عليهم ومش همشى عكس الاتجاه حتى لو العسكرى مش واقف , هحترم الاشارة هطلب من الضابط يتكلم معايا باحترام كمواطن له حقوق هحاول انمى الشارع اللى انا ساكن فيه , هبلغ جهاز حماية المستهلك لما الاقى حد بيبيع غالى مش هخاف اقول لاى حد بيعمل غلط انت غلطان لازم نعامل بعض باحترام هفتخر ببلدى قدام الاجانب وادافع عنها وهساعد الناس اللى محتاجين فعلا وهعرف حقوقى وواجباتى القانونية .

كما هناك مبادرة * مصرامانة اركب معانا * وهى مبادرة شبابية تهدف الى انشاء جروبات للتواصل الاجتماعى لكل منطقة على الفيس بوك وذلك من خلال ان تتكفل كل منطقة بنفسها اولا من كافه الجوانب معارض الملابس ومعارض الاثاث المستعمل وزراعة الاسطح والنظافة والتجميل والتكافل الاجتماعى والرعاية الصحية والتعليمية .

ومن اطرف الحملات التى انطلقت من عربات السيدات حملة * جه دوركم يابنات * من خلال توزيع بيان على البنات يهدف الى وقف المعاكسات والمضايقات التى تتعرض لها البنات فى الشوارع .

وجاء فى هذا البيان ان المصريين عندما سكتوا عن الفساد والظلم سنوات زاد وانتشر لكن عندما وقفنا ايد واحدة ضده انتهى وتحول الفاسدين الى عبرة  , كما طالب البيان كل بنت بان تقف امام اى شاب لتقول له ازاى تعاكسنى وتأذينى بعد ماكنت بتحمينى فى المظاهرات من طلقات النار والرصاص .

وفى نفس الاتجاه شوهد على الجدران ملصقات حملت عنوان دعوة للتغير احنا الاول و25 يناير مش تغير سياسى دا لازم يكون تغيير لكل واحد فيينا للافضل

وتدعو بعض الملصقات ايضا للاقلاع عن السلبية والمشاركة العملية السياسية تحت شعار هنزل الانتخابات وادى صوتى للى يمثلنى بجد.



 

 

 

  جميع الحقوق محفوظة لدار التحرير للطبع و النشر