الرئيسية
أخبار
تحقيقات
اقتصاد
الأسرة والطفل
فنون
رياضة
دين
صحافة الكترونية
تكنولوجيا المعلومات
استطلاع
أدب وشعر

 

 
 
 

 

يافرحة ماتمت

 

بقلم / هايدى دياب

 

حلمت بزيطة وهيصة وفرحة
قال وأنا قاعدة ولابسة الطرحة
وإن حبيبي أخيراً جنبي
والمعازيم في قلوبها الفرحة
كل الناس فرحانة بتهنّي
كله بيدعي روحي اتهنّي
وأنا بصالهم أوي مكسوفة
قالوا دي ليلتك بس إتمنى
قلت أتمنى أكون وياه
وأفضل عايشة سعيدة معاه
ومهما العمر يعدي علينا
أفضل ليه أنا أحلى حياة
قالوا هتقولها إيه ياعريسنا
أصل عروستك أوي مكسوفه
قال أنا هفضل عايش ليها
و ف عيني أشيلها وأخبيها
وان يوم زعلت غصبن عني
أنا من قلبي أكيد هراضيها
وبعد الزيطة وبعد الفرحة
أصحى أدور فين الطرحة
ولا حبيبي كان هنا جنبي
ده طلع حلم ..! وبنت عمي
لقتني أنا واقعة .. شالتني وسمّت
قلت أهي فرحة .. بس ما تمت .

 


جميع الحقوق محفوظة للكاتبة

 

 

 

  جميع الحقوق محفوظة لدار التحرير للطبع و النشر