 أجمل حاجة في الحب انه دايماً بيفاجئنا.. يبدأ معانا باحساس مفاجئ بالحنين والشوق وتستمر المفاجأة أن كيوبيد حط في دماغه وطلبت معاه انه مايسيبكش لوحدك في الاحساس ده وقرر يربط قلب اللي بتحبه مع قلبك في سلسلة من دهب ورسم عليها بألوان الطيف كل مشاعركوا الجميلة..
المطلوب منك انك تكمل مشوارك مع الحب بالمفاجآت عشان تضمن استمرار التدفق في المشاعر لحد ماتوصل للسما وتضمن لنفسك دايماً إن شريكك في السلسلة الدهب مش هيلاقي ثانية ينشغل عنك بيها.. هانقولك علي خطط بسيطة من أجل مفاجآت اكثر في علاقة حبك الجميلة اللي تتمني تكون انتهت عند المأذون...
* املأ دولابها بالبالونات الحمراء لأنها رمز للثقافة والشباب الدائم ولونها الأحمر رمز الحب فهي لمسة رومانسية مغلفة بخفة الدم..
* اتصل بيها اثناء النهار ولو مكالمة قصيرة لتشعرها بأنها في ذهنك دائماً..
* احرص دائماً أن يكون معك وردة وانت مروح أو هدية بسيطة..
* اكتب لها رسالة حب في أي مناسبة وليس شرطاً أن تكون شاعراً أو بليغاً.. يعني خليك مباشر وعلي طبيعتك!
* اتصل بيها كل ساعتين أو حتي ابعت رسالة من موبايلك قولها فيها "بحبك".
* فاجئها باهتمامك بأي حاجة هامشية في حياتكوا قلها انك عديت علي مدرستها الابتدائي وفضلت ادام الباب ساعة تشوف الطريق بتاعها وهي خارجة من المدرسة..
* وانتوا في زيارة لأحد الأصدقاء أو الأقارب فاجئها بهدية لم تكن تتوقعها كي تدرك أنك بتفكر فيها حتي وانتوا مش في البيت!
|
