عروض المسرح أكيد لها عشاق كتير علشان كده هانحكي ونقول عن العروض الجديدة اللي ممكن نحضرها في الفترة اللي جاية.
علي مسرح مركز الابداع الفني ممكن تشوف مسرحية مهمة جدا حازت العديد من الجوائز في مهرجانات مصرية وعربية أخرها جائزة مهرجان المسرح التجريبي.. المسرحية هي "قهوة سادة" اخراج خالد جلال ويقوم ببطولتها عدد من شباب المسرح من خريجي ورشة مدرسة الابداع.
كمان فيه عرض لمسرحية "آه يا غجر" علي مسرح السلام يقوم ببطولتها النجم الكبير "علي الحجار" مع عدد من النجوم زي مني حسين وعبير منصور..العرض موجود كل يوم وأكيد هاتعيش ساعتين من المزيكا والأداء الرائع.
فيه كمان عرض مهم يوم الخميس الجاي علي مسرح جامعة عين شمس العرض المسرحي بعنوان "كلهم أبنائي".
ويقوم بالأداء والاخراج والتمثيل فيه فريق مسرح جامعة عين شمس .. أكيد هاتشوف مواهب جديدة علي أول الطريق وبكره هاتلاقيهم نجوم كبار في المسرح والسينما.
|
