واحد من الأفلام اللي خدت فرصة عرض في ماراثون أفلام الصيف المليان هو فيلم المطرب الشهير "مصطفي قمر" اللي بيقدم المرة دي خلطة كوميدية جدا بسبب نجاح فيلم الأخير "عصابة الدكتور عمر"..
فيلم مصطفي الجديد هو "مفيش فايدة" اللي كتب له السيناريو والحوار "لؤي السيد" واخرجه "علي ادريس".
.. يشارك مصطفي في بطولة "مفيش فايدة" النجم الشاب "إدوارد" ومعاه "بسمة".. بيدور الفيلم في اطار كوميدي جدا حول مشاكل الشباب اللي لسه بيدورا علي طريقهم من خلال شخصية البطل اللي لسه حيران ومش عارف يعمل ايه في حياته اللي كلها لخبطة بيقع "مصطفي" في حب بنوتة جميلة وبيرهن حياته علشان يتقرب منها وبتدفعه المغامرة انه يشتغل في محل ملابس داخلية حريمي علشان يبقي قريب من فتاة أحلامه.
بعد شوية الأحداث بتروح في حتة جديدة تماما والكوميديا بتوصل لمرحلة الذروة.. لازم تشوف فيلم مصطفي قمر الجديد قبل رمضان.. كل سنة وكل الناس طيبين وبخير ورمضان كريم!
|
