كلام بعض الجرايد عن احتمال حل مجلس الشعب واختزال سنة من عمره وإجراء انتخابات جديدة "كركب" بطون بعض النواب وأصابهم بالضعف والهزال وأصبحوا في حاجة إلي تناول أكواب من محلول معالجة الجفاف خوفا من ان يكون الكلام شائعة وتنقلب بجد ويلاقوا أنفسهم قدام أبناء الدائرة اللي وصلوهم للبرلمان والحصانة واقفين مكسوفين زي اللي عاملين عاملة لأنهم بعد ما وصلوا البرلمان وحلفوا اليمين وتمتعوا بالحصانة نسيوا اللي جابوهم.. وقرروا عدم العودة للدوائر.. وشغلوا لأبناء دوائرهم أغنية "اللي عايزني يجيني.. أنا مابروحش لحد".
"الواد خربوش" وصلته أخبار مؤكدة وموثوق بها ان عددا من نواب الأغلبية والمعارضة أو "نواب الجفاف" قرروا مقاطعة المصايف أو السفر إلي لندن وباريس وجنيف وجزر الكناريا في هذه الاجازة البرلمانية والبقاء في دوائرهم الانتخابية خوفا من حدوث مفاجأة وهم علي البلاجات بالمايوهات أو قمم الجبال ويتم حل المجلس ويحدث ما لا تحمد عقباه وتطير الحصانة في غمضة عين والمنافسين قاعدين ومنتظرين.
|
